Բարի գալուստ Հայաստանի ամերիկյան համալսարան և բարի գալուստ Երևան։

Հայաստանի ամերիկյան համալսարանը (ՀԱՀ) Հայաստանում գլոբալ կրթություն առաջարկող մասնավոր բարձրագույն ուսումնական հաստատություն է։ Համագործակցելով Քալիֆորնիայի համալսարանի հետ, ՀԱՀ-ը հավատարմագրված է ԴԲԱԸ ԲՈՒՀ-երի հանձնաժողովի (WASC Senior College and University Commission) կողմից:

1991թ. հիմնադրված ՀԱՀ-ն ապահովում է բարձրորակ կրթություն մագիստրատուրայի և բակալավրի ծրագրերում, որը խրախուսում է քաղաքացիական ներգրավվածությունը և խթանում է ժողովրդավարական արժեքները այն միջավայրում, որը գնահատում և զարգացնում է ակադեմիական վարպետություն, ամբողջականություն, առաջնորդություն և հասարակության ծառայություն: Համալսարանն առաջարկում է 15 ծրագիր, որոնք ուսանողներին տալիս են հիմնական գիտելիքներ և հմտություններ՝ կայացած անհատներ և մասնագետներ դառնալու համար, ովքեր ունեն քննադատական և ստեղծագործական մտածողություն, սովորում են ինքնուրույն, կարողանում են համագործակցել և արդյունավետորեն հաղորդակցվել։