Հայաստանի ամերիկյան համալսարանում (ՀԱՀ) ստեղծված են անհրաժեշտ բոլոր պայմանները, որպեսզի մագիստրոսի ծրագրերում սովորող ուսանողներն առավելագույնս օգուտ քաղեն իրենց ուսումնառությունից։ 

ՀԱՀ-ն իր ուսանողներին առաջարկում է միջազգային չափանիշներին համապատասխան բարձրորակ կրթություն. այստեղ սովորում են բազմաթիվ օտարերկրյա ուսանողներ, ուսուցումն իրականացվում է փոքրաքանակ խմբերով, իսկ դասախոսներն ունեն հարուստ և բազմազան մասնագիտական փորձ։ ՀԱՀ-ի դասախոսական կազմում ընդգրկված են աշխարհի տարբեր երկրներից ժամանած մասնագետներ, որոնք կրթություն են ստացել արտերկրի լավագույն համալսարաններում և ունեն հետազոտական հետաքրքրությունների լայն շրջանակ։

ՀԱՀ-ն առաջարկում է մագիստրոսի տասներկու կրթական ծրագիր՝ չորս ֆակուլտետներում։

Հայաստանի ամերիկյան համալսարան ընդունելությունը մրցակցային է, քանի որ դիմորդների թիվը գերազանցում է հասանելի տեղերի քանակը։ Եթե դուք չեք ընդունվել ՀԱՀ, ապա հնարավորություն ունեք վերադիմելու ապագայում։ Մինչ վերադիմելը` հորդորում ենք ծանոթանալ վերադիմելու ընթացակարգին՝ համոզված լինելու, որ համապատասխանում եք ընդունելության և դիմում-հայտի բոլոր պահանջներին:
Կարդալ ավելին