Ընդունելության կարգ և թիրախային միավորներ

ՀԱՀ-ն իրականացնում է համապարփակ ընդունելություն: Մենք ընտրում ենք այնպիսի ուսանողների, ովքեր ունեն ՀԱՀ-ում հաջողության հասնելու հմտություններ և կարողություններ, և ուզում ենք համոզված լինել, որ ՀԱՀ-ը համապատասխանում է իրենց կրթական և աշխատանքային գործունեության նպատակներին: Դիմումը հանձնելուց անմիջապես հետո այն ենթարկվում է տեխնիկական դիտարկման (հավելյալ տեղեկություն ստանալու համար այցելե՛ք Դիմում-հայտի պահանջների կայք-էջը): Եթե Ձեր դիմումն ամբողջական է և համապատասխանում է ընդունելության ընդհանուր և ծրագրերին հատուկ պահանջներին, կրթական ծրագրերի ընդունելության և մագիստրոսական ընդունելության հանձնաժողովները մանրակրկիտ ուսումնասիրում են Ձեր դիմումը:

Քանզի ՀԱՀ-ում ընդունելությունը մրցակցային է, հանձնաժողովները հաշվի են առնում Ձեր թե՛ ուսումնական, և թե՛ անձնական տեղեկատվությունը` ներառյալ ակադեմիական հավաստագրերը, մասնագիտական փորձը, ընդունելության քննությունների պաշտոնական արդյունքները, նպատակի շարադրանքը (statement of purpose), երաշխավորագիր նամակները և հարցազրույցը (եթե հրավիրվեք): 

ՀԱՀ-ի Մագիստրոսական կրթական ծրագրերի ընդհանուր ընդունելության հանձնաժողովի կողմից կայացված որոշումները բողոքարկման ենթակա չեն:

 

Ծանուցում

Ընդունելության գրասենյակի աշխատակիցներն ընդունելության ամբողջ ընթացքում պարբերաբար կհաղորդակցվեն Ձեզ հետ էլ. փոստի միջոցով: Այդ իսկ պատճառով խնդրում ենք հաճախ ստուգել Ձեր էլ. փոստը: Պարբերաբար կուղարկվեն թարմացումներ՝ դիմումների առաջիկա վերջնաժամկետների, դիմումի հանձնման, դիմումի ամբողջական կամ թերի լինելու և ավելիի մասին: Այս ընթացքում Ձեզ կարող են հրավիրել հարցազրույցի: Եթե Ձեր դիմումն ամբողջական է և համապատասխանում է ընդունելության բոլոր պահանջներին, ապա կստանաք ծանուցում Ձեր ընդունելության կարգավիճակի մասին դիմումի վերջնաժամկետից սկսած մինչև 12 շաբաթվա ընթացքում:

Հավելյալ տեղեկատվության համար կարդացե՛ք Մագիստրոսական կրթական ծրագրերի ընդունելության կանոնակարգը:  

Թիրախային միավորներ

Ստորև նշված թիրախային միավորները միայն տեղեկատվական բնույթ են կրում: Պետք է իմանալ, որ թիրախային միավորներից բարձր ստանալը չի կարող երաշխավորել Ձեր ընդունելությունը ՀԱՀ: Միևնույն ժամանակ, եթե թիրախային միավորներից ցածր ստանաք, հնարավոր է ընդունվեք պայմանական: Մանրամասն ուսումնասիրե՛ք ընդունելության պահանջները՝ տեղեկանալու համար, թե ինչ քննություն(ներ) պետք է հանձնել, արդյո՞ք առկա են ներհամալսարանական ստուգումներ որոշ ծրագրերի համար կամ արդյո՞ք կարող եք ազատվել քննություն(ներ)ից: 

Անգլերենի իմացություն

TOEFL iBT*

79

IELTS Academic*

6.5

* Ներառում է home-edition թեստերը:

Մագիստրոսական ստանդարտացված թեստեր

	GRE (General)* Quantitative բաժին**	GMAT* Quantitative բաժին**	LSAT*
Գործարար կառավարման մագիստրոսական ծրագիր (MBA)	60 %		–
Կառավարման մագիստրոսական ծրագիր (MSM)
Տնտեսագիտության մագիստրոսական ծրագիր (MSE)
Համակարգչի և տեղեկույթի գիտության մագիստրոսական ծրագիր (MS CIS)	50 %		–
Արդյունաբերական ճարտարագիտության և համակարգերի կառավարման մագիստրոսական ծրագիր (MSE IESM)
Հանրային առողջապահության մագիստրոսական ծրագիր (MPH)
Իրավագիտության մագիստրոսական ծրագիր (LL.M.)	–		145 կամ  ավելի բարձր
Անգլերենի` որպես օտար լեզվի դասավանդման մագիստրոսական ծրագիր (MA TEFL),  Քաղաքագիտության և միջազգային հարաբերությունների մագիստրոսական ծրագիր (MPSIA),  Սոցիալական արդարության և մարդու իրավունքների մագիստրոսական ծրագիր (MA HRSJ)	Լրացուցիչ քննության պահանջ չկա

* Ներառում է home-edition թեստերը:
** Ընդունելության համար ՀԱՀ-ը հաշվի է առնում GRE և GMAT թեստերի միայն «Quantitative» բաժնի «percentile» արդյունքը:

 

Մեխանիկորեն մերժման շեմ՝ առանց դիմումի հետագա քննարկման

Եթե Ձեր թեստի արդյունը ներկա մերժման շեմին հավասար է կամ ավելի ցածր է, ապա Ձեր դիմում-հայտն անմիջապես կմերժվի՝ առանց հետագա քննարկման*:

	GRE (General)** Quantitative բաժին	GMAT** Quantitative բաժին
Տնտեսագիտության մագիստրոսական ծրագիր (MSE)	49th percentile
Գործարար կառավարման մագիստրոսական ծրագիր (MBA)

*   MBA և MSE ծրագրերը կարող են առաջարկել ներհամալսարանական ստուգման տարբերակը այն դիորդներին, ում թեստի արդյունքները ավտոմատ մերժման շեմին հավասար կամ դրանից ցածր են։
** Ներառում է home-edition թեստերը: