ԻՆՉՆ Է ԿԱՐԵՎՈՐ ՄԵԶ ՀԱՄԱՐ

ՀԱՀ-ում ընտրում ենք այն ուսանողներին, ովքեր ունեն հմտություններ և կարողություններ՝ ուսումնառության ոլորտում հաջողություններ գրանցելու, և որոնց կրթական ու աշխատանքային նպատակաները համապատասխանում են ՀԱՀ-ին: Մենք փնտրում ենք այնպիսի ուսանողների, ովքեր ցուցաբերում են հետաքրքրվածություն և նվիրվածություն, միտված են իրենց համայնքների զարգացմանը, ունեն ակադեմիական զարգացման ներուժ, հետաքրքրասիրություն և ուսումնառության ցանկություն:

ԸՆՏՐՄԱՆ ԿԱՐԳ

Դիմում-հայտը հանձնելուց հետո Ընդունելության գրասենյակը իրականացնում է դիմումի ամբողջական դիտարկում` համոզված լինելու համար, որ համապատասխանում եք բոլոր պահանջներին: Այս դիտարկումը կարող է տևել մինչև 6 շաբաթ՝ դիմում-հայտը հանձնելու օրվանից սկսված: Այս գործընթացը կոչվում է համապատասխանության տեխնիկական զննում: Երբ Ձեր դիմում-հայտը համարվում է ամբողջական, այն անմիջապես ուղարկվում է Բակալավրի ընդունելության հանձնաժողովի քննարկմանը:

Հանձնաժողովը ընդունելության մասին որոշումը կայացնում է դիմում-հայտի համապարփակ դիտարկման արդյունքում: Հանձնաժողովի անդամները ջանք և ժամանակ չեն խնայում դիտարկելու յուրաքանչյուր հայտ-դիմումը` շատ լավ իրազեկ լինելով, թե որքան ժամանակ և ջանք եք Դուք ներդրել ՀԱՀ դիմելիս: Ձեր դպրոցի գնահատականները և ընդունելության քննության արդյունքները հույժ կարևոր են, սակայն դրանք միակ գործոնները չեն: Հանձնաժողովը դիտարկում է նաև Ձեր արտադասարանային և կամավորական գործունեությունը, առաջնորդական դերերը, շարադրությունները և անհրաժեշտության դեպքում նաև հարցազրույցը: Որոշումը կայացնելուց անմիջապես հետո ընդունելության գրասենյակը, վերջնաժամկետից 12 շաբաթվա ընթացքում, էլ. նամակ է ուղարկում Ձեր դիմում-հայտի կարգավիճակի վերաբերյալ:

Հանձնաժողովի կայացրած որոշումները վերջնական են և ենթակա չեն բողոքարկման: Հավելյալ տեղեկատվության համար, խորհուրդ ենք տալիս դիտարկել Բակալավրի ընդունելության քաղաքականությունը հետևյալ հղումով policies.aua.am/policy/132.

Ցանկանում ենք Ձեզ տրամադրել մի շարք ուղեցույցեր՝ ընդունելության քննությունների վերաբերյալ, ՀԱՀ դիմում-հայտ ներկայացնելիս: Վարը նշված են թիրախային գնահատականների ցանկը, մեխանիկորեն մերժման շեմը և այս տարվա ընդունելության միջին գնահատականները: Հուսով ենք տրամադրված տեղեկատվությունը օգտակար կլինի ՀԱՀ դիմելիս:

Կարևոր նշում այն դիմորդների համար, ովքեր դիմում են ՀԱՀ մինչև զինվորական ծառայությանն անցնելը: Եթե դիմում եք ՀԱՀ և հնարավոր է մեկնեք պարտադիր զինվորական ծառայության, ապա Բակալավրի ընդունելության հանձնաժողովը և Ընդունելության գրասենյակը կգործադրեն բոլոր ջանքերը՝ Ձեր դիմում-հայտի դիտարկման գործընթացը արագացնելու և ընդունելության որոշումը հրապարակելու համար: Ձեր դիմումի-հայտի արագացված վերանայման համար խնդրում ենք [email protected] էլեկտրոնային հասցեին ուղարկել Ձեր անունը, ազգանունը, ծառայության նախնական ամսաթիվը և կցել Ձեր ռազմական գրասենյակի (զինկոմիսարիատ) կողմից ստացած տեղեկանքը, որը կներառի Ձեր առաջիկա ծառայության վերաբերյալ մանրամասները::

ՄԵԽԱՆԻԿՈՐԵՆ ՄԵՐԺՄԱՆ ՇԵՄ

Եթե Ձեր գնահատականը գտնվում է կամ ցածր է մեխանիկորեն մերժման շեմից, ապա Ձեր դիմում-հայտը մեխանիկորեն մերժվում է: