*   ՀՀ քաղաքացիներ համարվում են նաև «Բարձրագույն և հետբուհական մասնագիտական կրթության մասին» ՀՀ օրենքի 1-ին գլխի 6-րդ հոդվածի 3-րդ կետում նշված քաղաքացիները:

** Ծրագրերը ներառում են հետևյալ մասնագիտացումները՝ Անգլերեն և հաղորդակցություն (Միջմշակութային հաղորդակցություն /անգլերեն/ (BAEC)` ըստ լիցենզիայի), Քաղաքականություն և պետական կառավարում, Համակարգչային գիտություն (Ինֆորմատիկա և կիրառական մաթեմատիկա (BSCS)` ըստ լիցենզիայի), Տվյալագիտություն, Ճարտարագիտություն (Մեխատրոնիկա (BSES)` ըստ լիցենզիայի), Շրջակա միջավայրի և կայունության գիտություններ, ինչպես նաև Քույրական գործ:

*** ՀՀ քաղաքացիություն չունեցող ուսանողները պարտավոր են ՀԱՀ ներկայացնել առողջության ապահովագրության առկայությունը հավաստող փաստաթուղթ։ Դուք կարող եք ձեռք բերել առողջության ապահովագրություն ցանկացած ապահովագրական ընկերությունից։ ՀԱՀ-ը հնարավորություն է տալիս նաև ձևակերպելու առողջության ապահովագրություն համալսարանի ապահովագրության մատակարարի հետ՝ ամսական մոտ 10,000 ՀՀ դրամ վճարի դիմաց։ Եթե դուք Հայաստանում բնակվող օտարերկրյա ուսանող եք, ապա ՀԱՀ-ի հետ Ուսումնառության պայմանների վերաբերյալ պայմանագիր ստորագրելիս պետք է ներկայացնեք ՀԱՀ-ում ձեր ուսումնառության ընթացքում գործող առողջության ապահովագրության առկայությունը հավաստող վավեր փաստաթուղթ։

Կարևոր հայտարարություն․ Քույրական գործի բակալավրիատի ծրագիր ընդունված ուսանողներն ավտոմատ կերպով կստանան ուսման վարձի 95% սուբսիդավորում՝ պայմանով, որ հանդիսանում են ՀՀ քաղաքացիներ։

ՖԻՆԱՆՍԱԿԱՆ ԱՋԱԿՑՈՒԹՅՈՒՆԸ ՀԱՀ-ում

ՀՀ քաղաքացիները, ինչպես նաև ՀՀ հատուկ անձնագիր ունեցող անձինք ավտոմատ կերպով ստանում են 2,000,000 ՀՀ դրամի չափով տարեկան սուբսիդավորում, ինչի արդյունքում ուսման ընդհանուր վարձը նվազում է՝ 4,750,000 ՀՀ դրամից դառնալով 2,750,000 ՀՀ դրամ (Գործարարության և Տնտեսագիտության բակալավրիատի ծրագրերի դեպքում) և 4,250,000 ՀՀ դրամից դառնալով 2,250,000 ՀՀ դրամ (բակալավրիատի մնացած բոլոր ծրագրերի դեպքում)։ Բացի այդ, համալսարանը ՀՀ քաղաքացիներին տրամադրում է ֆինանսական օժանդակություն՝ ըստ կարիքի, ինչի շնորհիվ ուսման վարձը կարող է նվազել մինչև հավելյալ 90%-ով։ ՀԱՀ-ը նաև առաջարկում է ֆինանսական աջակցության այնպիսի գործիքներ, ինչպիսիք են ուսման վարձավճարի տարաժամկետ վճարումը, ուսման վարձավճարի մասնաբաժիններով վճարումը, առաջադիմության վրա հիմնված կրթաթոշակը և աշխատանք ուսման վարձի դիմաց ծրագիրը՝ դիմորդներին առավելագույնս աջակցելու նպատակով։ Լրացուցիչ տեղեկությունների համար այցելեք finaid.aua.am/payment-options։

Օտարերկրյա ուսանողները կարող են ստանալ կրթաթոշակ՝ ըստ առաջադիմության, որը կարող է փոխհատուցել ուսման ընդհանուր վարձի մինչև 50%-ը։