Հատուկ ուշադրություն պետք է դարձնեք ՀԱՀ-ում Ձեր ուսումնառության ֆինանասավորմանը` սկսած ընդունելությունից մինչև Ձեր մագիստրոսի կրթական ծրագրի ավարտը: Այս էջում մանրակրկիտ ներկայացված են վարձավճարները, ինչպես նաև տեղեկատվություն առկա տարբեր գործիքների մասին, որոնք կաջակցեն Ձեզ ուսումնառության ընթացքում։ Ֆինանսական օժանդակության վերաբերյալ Լրացուցիչ տեղեկատվության համար այցելեք finaid.aua.am, admissions.aua.am/tuition-and-financial-aid կայք-էջերը և կարդացեք ուսման վարձի ու ֆինանսական օգնության թռուցիկը։
ՏԱՐԵԿԱՆ ՈՒՍՄԱՆ ՎԱՐՁԸ
Ուսանողներն ընդունվելուց հետո պայմանագիր են կնքում ՀԱՀ-ի հետ, ըստ որի սահմանվում է ուսման վճարը մինչև պայմանագրի ավարտը: Բոլոր վճարումները կատարվում են ՀՀ դրամով:
Մագիստրոսական կրթական ծրագրերի 2022-2023 տարեկան ուսման վարձը և վճարները՝ նախքան ֆինանսական օժանդակություն ստանալը, բերված են ստորև.
| ՀՀ քաղաքացիներ և ՀՀ հատուկ անձնագիր ունեցող անձինք* | Միջազգային քաղաքացիներ | |
| Գործարար կառավարման մագիստրոսական ծրագիր (MBA)** | 1,872,000 ՀՀ դրամ | 3,872,000 ՀՀ դրամ |
| Կառավարման մագիստրոսական ծրագիր (MSM)*** (վարձը երկու կիսամյակի համար) | 1,800,000 ՀՀ դրամ | 3,800,000 ՀՀ դրամ |
| Տնտեսագիտության մագիստրոսական ծրագիր (MSE)**** (վարձը երկու կիսամյակի համար) | 1,800,000 ՀՀ դրամ | 3,800,000 ՀՀ դրամ |
| Իրավագիտության (LL.M.), Քաղաքագիտության և միջազգային հարաբերությունների (MPSIA), Սոցիալական արդարության և մարդու իրավունքների (MA HRSJ), Անգլերենի` որպես օտար լեզվի դասավանդման (MA TEFL), Արդյունաբերական ճարտարագիտության և համակարգերի կառավարման (ME IESM), Համակարգչի և տեղեկույթի գիտության (MS CIS), Հանրային առողջապահության (MPH) մագիստրոսական ծրագրեր | 1,500,000 ՀՀ դրամ | 3,500,000 ՀՀ դրամ |
| Ուսանողներին մատուցվող ծառայությունների տարեկան վճար | 25,000 ՀՀ դրամ | |
* ՀՀ քաղաքացիներ են համարվում նաև ՀՀ Բարձրագույն և հետբուհական կրթության օրենքի 1-ին գլխի 6-րդ հոդվածի 3-րդ կետում նշված քաղաքացիները:
** Գործարար կառավարման մագիստրոսական ծրագրի (MBA) ուսանողներըկարող են ավարտել ծրագիրը 24, 28 կամ 36 ամիսների ընթացքում: Ամբողջ ծրագրի ուսման վարձը ՀՀ քաղաքացիների և ՀՀ հատուկ կացության կարգավիճակ ունեցող անձանց համար կազմում է 4,680,000 ՀՀ դրամ, իսկ միջազգային քաղաքացիների համար՝ 9,680,000 ՀՀ դրամ:
*** Կառավարման մագիստրոսական ծրագիրը (MSM), սովորաբար, իր մեջ ներառում է Ամառ-Աշուն-Գարուն-Ամառ կիսամյակները/եռամսյակները: Ամբողջ ծրագրի ուսման վարձը հաշվարկվում է տարեկան ուսման վարձի 1.5 գործակցով: Ամբողջ ծրագրի ուսման վարձը ՀՀ քաղաքացիների և ՀՀ հատուկ կացության կարգավիճակ ունեցող անձանց համար կազմում է 2,700,000 ՀՀ դրամ, իսկ միջազգային քաղաքացիների համար՝ 5,700,000 ՀՀ դրամ:
**** Տնտեսագիտության մագիստրոսական ծրագիրը (MSE), որպես կանոն, իր մեջ ներառում է Աշուն-Գարուն-Ամառ կիսամյակները/եռամսյակը: Ամբողջ ծրագրի ուսման վարձը հաշվարկվում է տարեկան ուսման վարձի 1.25 գործակցով: ՀՀ քաղաքացիների և ՀՀ հատուկ կացության կարգավիճակ ունեցող անձանց համար այն կազմում է 2,250,000 ՀՀ դրամ և 4,750,000 ՀՀ դրամ՝ միջազգային քաղաքացիների համար:
ՀԱՀ-ը պահանջում է առողջության ապահովագրության ապացույց այն ուսանողներից, ովքեր չունեն ՀՀ քաղաքացիություն: Այն կարելի է ձեռք բերել առողջության ապահովագրության ցանկացած մատակարարից: Որպես այլընտրանք՝ ՀԱՀ-ն առաջարկում է ապահովագրության ստացում համալսարանի իր մատակարարի կողմից, որը կազմում է մոտ 10,000 ՀՀ դրամ մեկ ամսվա համար:
Ուսման վարձը Գարուն 2022 և Աշուն 2022 (ներառյալ Ամառ) կես դրույք ուսուցման համար հետևյալն է՝
| ՀՀ քաղաքացիներ և ՀՀ հատուկ անձնագիր ունեցող անձինք* | Միջազգային քաղաքացիներ | |
| Գործարար կառավարման (MBA), Կառավարման (MSM), Տնտեսագիտության (MSE) մագիստրոսական ծրագրեր | 90,000 ՀՀ դրամ (մեկ կրեդիտի համար) | 190,000 ՀՀ դրամ (մեկ կրեդիտի համար) |
| Իրավագիտության մագիստրոսական ծրագիր (LL.M.) | 125,000 ՀՀ դրամ (մեկ կրեդիտի համար) | 292,000 ՀՀ դրամ (մեկ կրեդիտի համար) |
| Բոլոր մյուս մագիստրոսական ծրագրերը՝ Քաղաքագիտություն և միջազգային հարաբերություններ (MPSIA), Սոցիալական արդարություն և մարդու իրավունքներ (MA HRSJ), Անգլերենի` որպես օտար լեզվի դասավանդում (MA TEFL), Արդյունաբերական ճարտարագիտություն և համակարգերի կառավարում (ME IESM), Համակարգչի և տեղեկույթի գիտություն (MS CIS), Հանրային առողջապահություն (MPH) | 70,000 ՀՀ դրամ (մեկ կրեդիտի համար) | 165,000 ՀՀ դրամ (մեկ կրեդիտի համար) |
Նշում. ՀՀ քաղաքացիներ են համարվում նաև ՀՀ Բարձրագույն և հետբուհական կրթության օրենքի 1-ին գլխի 6-րդ հոդվածի 3-րդ կետում նշված քաղաքացիները:
ՖԻՆԱՆՍԱԿԱՆ ԱՋԱԿՑՈՒԹՅԱՆ ԸՆԴՀԱՆՈՒՐ ՊԱՏԿԵՐԸ
Վերոհիշյալ տեղեկատվությունը հիմնված է 2021 թվականի աշնանը ցուցակագրված 189 առաջին կուրսի ուսանողների ֆինանսական աջակցության ցուցանիշների վրա:
