Ընդունելությունը Հայաստանի ամերիկյան համալսարանում մրցույթային է, քանզի դիմորդների քանակը գերակշռում է տեղերի քանակին: Քաջալերում ենք Ձեզ վերադիմել ապագայում, եթե նախկինում Ձեր դիմում-հայտը մերժվել է, համարվել է տեխնիկապես անհամապատասխան կամ ոչ ամբողջական:
Նախքան վերադիմելը՝ եթե վերադիմում եք մագիստրոսական կրթական ծրագրերին, խորհուրդ ենք տալիս ծանոթանալու մագիստրոսական ծրագրերի կանոնակարգի 8-րդ կետին։ Եթե վերադիմում եք բակալավրի կրթական ծրագրերին, խնդրում ենք դիտարկել Բակալավրի կրթական ծրագրերի ընդունելության քաղաքականության կետ 4-րդ կետը: Ստորև ներկայացված տեղեկատվությունը վերաբերում է ՀԱՀ-ի և՛ բակալավրի, և՛ մագիստրոսական կրթական ծրագրերին:
Դիմում-հայտ
Եթե նախկինում Ձեր դիմում-հայտը մերժվել է, տեխնիկապես համարվել է անհամապատասխան կամ ոչ ամբողջական, վերադիմելիս պետք է ներկայացնեք նոր դիմում-հայտ im.aua.am կայքի միջոցով, ներառեք բոլոր պահանջվող փաստաթղթերը և վճարեք չհատուցվող դիմումավճարը։ Մագիստրոսական ծրագրերի դիմորդներին՝ երաշխավորագիր նամակները վավեր են մեկ տարի: Նույնը վերաբերում նրանց, ովքեր նախկինում ընդունվել են ՀԱՀ, բայց ի վերջո որոշել են չհաճախել։ Ընդունելության պահանջները կարող են փոխվել ըստ տարիների, այդ իսկ պատճառով պետք է համապատասխանեք ներկայիս պահանջներին:
Չնայած, որ մենք խորհուրդ չենք տալիս վերադիմել նույն ուսումնական տարվա ընթացքում, եթե նախընտրում եք այդպես վարվել, ապա կարիք չի լինի ներկայացնել դիպլոմի միջուկ(ներ)ը, դիպլոմ(ներ)ը, վկայական(ներ)ը և այլ կից փաստաթղթեր, որոնք արդեն ներկայացրել եք նախնական դիմում-հայտ ներկայացնելիս: Այնուամենայնիվ, մենք հորդորում ենք նոր տեղեկատվություն կամ ապացույց ներկայացնել, որը կփաստի, որ Դուք կարող եք հաջողություններ գրանցել ՀԱՀ-ում ուսումնառության ընթացքում:
Քննության արդյունքներ
Պահանջներին համապատասխանելու համար, մենք խորհուրդ ենք տալիս վերահանձնել ցանկացած քննություն, որից ցածր միավոր եք ստացել: Այնուամենայնիվ, եթե Ձեր քննության արդյունքները դիմելիս վավեր են, կարիք չունեք նորից հանձնելու: Ձեր դիմում-հայտի մեջ պետք է ներկայացնեք Ձեր քննության արդյունքները: Եթե Ձեր քննության արդյունքները այլևս վավեր չեն, ապա պետք է նորից հանձնեք պահանջվող քննությունները:
Քննության արդյունքների վավերականությունը
- SAT և ACT – քննության օրից 3 տարի
- TOEFL iBT* և IELTS Academic* – քննության օրից 2 տարի
- GRE, GMAT և LSAT – քննության օրից 5 տարի
* Ներառում է տվյալ քննությունների տնային պայմաններում հանձնելու տարբերակները:
Երաշխավորագիր նամակներ (միայն մագիստրոսական ծրագրերի համար)
Մենք խրախուսում ենք ներկայացնել նոր երաշխավորագիր նամակներ, քանի որ դրանք մեզ օգնում են ավելի լավ հասկանալ, թե ինչ առաջընթաց եք ունեցել նախորդ դիմումից ի վեր: Այնուամենայնիվ, Դուք կարող եք պահել Ձեր հին երաշխավորագրերը, քանի որ դրանք մեկ տարի վավեր են համարվում:
Համալսարանից դուրս մնացած ուսանողներ
Եթե Դուք դուրս եք մնացել ՀԱՀ-ից, ապա մեկ տարի չեք կարող ընդունվել համալսարան կամ համալրվել որևէ մագիստրոսի կամ վկայագիր շնորհող կրթական ծրագրում, ինչպես նաև աստիճան չշնորհող դասընթացում: Հավելյալ տեղեկատվության համար խնդրում ենք դիտարկել մեր Փորձաշրջանի և համալսարանից դուրս մնալու քաղաքականությունը:
Խորհուրդ վերադիմող դիմորդներին
Նոր մոտեցում ցուցաբերեք Ձեր դիմում-հայտը լրացնելիս: Ավելացրեք նոր տեղեկատվություն, որը կարող է օգտավետ լինել դիմում-հայտի դիտարկման գործընթացում: Եվ եթե հնարավոր է, աշխատեք Ձեր թույլ կողմերի վրա: Դրանք կարող են լինել Ձեր ընդունելության քննությունները, գնահատականները, արտադասարանային/կամավորական աշխատանքները, նպատակի շարադրանքը և մասնագիտական փորձը:
