Housing

Ուսանողական կացարան Ձորագյուղում: 2021թ. օգոստոսի 1-ին ՀԱՀ-ը բացեց ուսանողական նորակառույց կացարանի դռները: Կացարանը գտնվում է Երևանի Ձորագյուղ թաղամասում (համալսարանից ոտքով 25 րոպե հեռավորության վրա) և նայում է Հրազդանի կիրճին ու գետին: Չորս հարկանի շենքը նախատեսված է մինչև 56 ուսանողի համար՝ Հայաստանի մարզերից և արտերկրից:

Կացարանն ունի 28 երկտեղանի սենյակներ, որոնցից յուրաքանչյուրում առկա են ջեռուցման և հովացման սարքավորումներ, սառնարան և առանձին լոգասենյակ: Առաջին հարկում գտնվող թեքահարթակները, վերելակը և մեծ սանհանգույցները նախատեսված են հաշմանդամ ուսանողների համար և օգնում են նրանց հեշտությամբ կողմնորոշվել շենքում: Հաստատությունն ապահովված է անլար ինտերնետով, լվացքի մեքենաներով, առանձին և ընդհանուր պատշգամբներով: Աշխատանքային գործունեության և սոցիալական հավաքների համար նախատեսված տարածքներն ապահովում են լիարժեք հարմարություններ, ինչպիսիք են՝ առաջին հարկում գտնվող հանգստի սենյակը, խոհանոցը և ուսումնական սենյակը: Նախնական ամսական ծախսերը հետևյալն են.

Սենյակների տեսակը Ամսական վճարը մեկ ուսանողի համար
Մեկտեղանի սենյակ (պատշգամբով) 160,000 դրամ/ամիս
Մեկտեղանի սենյակ (առանց պատշգամբի) 140,000 դրամ/ամիս
Երկտեղանի սենյակ (պատշգամբով) 85,000 դրամ/ամիս
Երկտեղանի սենյակ (առանց պատշգամբի) 75,000 դրամ/ամիս
Կացարան՝ համալսարանից դուրս* Մոտ՝ 150,000-250,000 դրամ/ամիս

* Եթե ՀԱՀ-ի ուսանողական կացարանում չլինի ազատ տեղ, մենք Ձեզ կաջակցենք համալսարանի մոտակայքում բնակարան գտնելու հարցում: Այնուամենայնիվ, նկատի ունեցեք, որ վերջնական արժեքը կախված է Ձեր նախընտրած վայրից, որը սովորաբար չի ներառում կոմունալ ծառայությունները և ինտերնետը:

Լրացուցիչ տեղեկատվություն:Վերոնշյալ վճարները ներառում են նաև գերարագ ինտերնետի արժեքը, կոմունալ ծառայությունները և կիրառելի բոլոր հարկերը: Սակայն, այս վճարները ենթակա են փոփոխման: Այն ուսանողները, ովքեր պայմանագիր են կնքում կացարանում բնակվելու համար, մինչ տեղափոխվելը պետք է վճարեն կանխավճար՝ մեկամսյա վարձավճարի չափով:

Նախապատվությունը տրվում է միջազգային և Երևանից դուրս բնակվող ուսանողներին: Ընդունված ուսանողները, ովքեր դիմում եմ կացարանում բնակվելու համար, պետք է լրացնեն Ուսանողական կացարանի դիմումի ձևը, որպեսզի դիմումը դիտարկվի և հաստատվի: Այն ուսանողները, ովքեր կստանան կացարանում բնակվելու հնարավորություն, նախքան տեղափոխվելը պետք է կնքեն Ծառայությունների պայմանագիր:

Հարցերի դեպքում խնդրում ենք կապ հաստատել Ուսանողական կացարանի կառավարչի հետ [email protected] էլ. հասցեով կամ +374 60 61 27 25 հեռախոսահամարով: